راشن اور فنڈز دئیے جائیں تو تمام برانڈز کے ساتھ مفت کام کرنے کیلئے تیار ہوں،شاہد آفریدی

لاہور: سابق قومی کپتان شاہد آفریدی نے تمام برانڈز کو مشروط پیشکش کرتے ہوئے کہا کہ اگر انہیں راشن اور فنڈز دئیے جائیں تو وہ تمام برانڈز کے ساتھ مفت کام کرنے کیلئے تیار ہیں۔ سوشل میڈیا پلیٹ فارم ٹویٹر پر اپنے پیغام میں 40 سالہ شاہد آفریدی نے کہا کہ میں نے بڑے بڑے برانڈز کیساتھ ان کی اشتہاری مہم کیلئے کام کیا ہے لیکن اب میں چاہتا ہوں کہ وہ کورونا وائرس سے متاثر ہونیوالے افراد کی مدد کیلئے میری معاونت کریں۔