اسلام آباد میں غیر قانونی مقیم غیرملکیوں کیخلاف کریک ڈاؤن

اسلام آباد:نگراں وفاقی وزیر داخلہ سرفراز بگٹی کے احکامات پر اسلام آباد میں غیر قانونی مقیم غیر ملکیوں کے خلاف کارروائی کے دوران مختلف علاقوں سے25 غیر ملکیوں کو حراست میں لیا گیاہے۔14 فارن ایکٹ کے تحت 57 غیر قانونی مقیم غیر ملکی اڈیالہ جیل منتقل کیے جا چکے ہیں۔وزارت داخلہ سے جاری کردہ بیان کے مطابق زیر حراست غیر ملکیوں کو ان کے ملک بھجوانے کے انتظامات عمل میں لائے جا رہے ہیں۔پاکستان میں قیام ملکی قوانین کے مطابق ہی ممکن ہے ۔غیر قانونی رہائش پذیر افراد کی معاونت کرنے والے پاکستانیوں کے خلاف بھی کارروائی کی جا رہی ہے۔رہائشی ، مالی اور روزگار کی شکل میں غیر قانونی مقیم افراد کو معاونت کرنا جرم ہے۔پاکستانی قوانین کا احترام کیجیے اور کسی بھی ایسی سرگرمی کی اطلاع پکار 15 پر دیں۔