گوادر پورٹ کی تعمیر سے مقامی معیشت کی تیز رفتار ترقی

اسلام آباد:چینی میڈ یا نے اپنی ایک رپورٹ میں کہا ہے کہ گوادر پورٹ کی تعمیر سے مقامی معیشت کی تیز رفتار ترقی ہوئی ہے، تجارتی سرگرمیوں کو فروغ ملا ہے، کاروباری مواقع اور سرمایہ کاری میں اضافہ ہوا ہے اور بڑی تعداد میں ملازمتوں کے مواقع پیدا ہوئے ہیں۔ پاکستان کی اہم ترین بندرگاہوں میں سے ایک کی حیثیت سے گوادر بندرگاہ پاک چین اقتصادی راہداری کا ایک کلیدی جزو بن چکی ہے۔رپورٹ کے مطا بق گزشتہ دو سال میں گوادر پورٹ کی تعمیر کے منصوبہ کے تحت جولائی 2021 میں ، گوادر فری زون کے شمالی علاقے کی تعمیر کا آغاز کیا گیا ، جس میں لوگوں کے ذریعہ معاش کے شعبے جیسے جانوروں کی ویکسین بھرنا ، چکنائی والے تیل کی آمیزش ، اور کھاد کی پیداوار اور دوسری زرعی ٹیکنالوجی انٹرپرائزز جیسے سبزیوں کی کاشت اور ٹراپیکل خشک سالی کی فصل کی افزائش شامل ہیں۔ اسی طرح اکتوبر 2021 میں چین کی وزارت تجارت نے گوادر میں ایک پیشہ ورانہ تربیتی اسکول کی تعمیر مکمل کی، جس میں مقامی افرادی قوت کے لئے قلیل مدتی پیشہ ورانہ تربیت پر توجہ مرکوز کی جاتی ہے۔جون 2022 میں چین کی مدد سے تعمیر کی جانے والی گوادر ایسٹ بے ایکسپریس وے پر ٹریفک کا باضابطہ آغاز ہوا۔یہ سڑک جنوب میں گوادر پورٹ سے چلتی ہے اور پاکستان کی قومی شاہراہ 10 تک پہنچتی ہے ، جس سے گوادر پورٹ اور کراچی کے درمیان نقل و حمل کا چینل کھل جاتا ہے ، اور گوادر پورٹ اور پاکستان کے اندرونی اقتصادی علاقوں کے مابین رابطہ مضبوط ہوتا ہے۔اپریل 2023 میں پاکستان اور ایران نے سرحدی تجارت دوبارہ شروع کی اور دونوں ممالک کے درمیان قدرتی گیس پائپ لائن کی تعمیر بھی ایجنڈے میں شامل کی گئی ۔ منصوبے کے مطابق یہ پائپ لائن 2024 میں مکمل ہونے کی توقع ہے تاکہ گوادر پورٹ کے ذریعے جنوبی پاکستان کو قدرتی گیس کی فراہمی کی جا سکے، یوں گوادر پورٹ علاقائی قدرتی گیس کی نقل و حمل اور تقسیم کا مرکز بن جائے گا۔