پاک فوج بھارتی جارحیت کا جواب دینے کے لیے تیار ہے،صدرآزاد کشمیر

مظفر آباد: صدر آزاد کشمیر مسعود خان نے کہا ہے کہ بھارت نے آزاد کشمیر پر حملہ کرنے کی دھمکی دی ہے تو پاک فوج ہر قسم کی بھارتی جارحیت کا جواب دینے کے لیے تیار ہے. صدر آزاد کشمیر مسعود خان نے پریس کانفرنس کرتے ہوئے کہا کہ بھارت کی جانب سے جنگ کا خطرہ ہے، بھارت نے دھمکی دی ہے کہ آزاد

کشمیر پر حملہ کریں گے بھارت کو بتادینا چاہتے ہیں کہ افواج پاکستان جنگ کے لیے تیار ہے.صدر آزاد کشمیر نے کہا کہ حکومت پاکستان مشاورت کر رہی ہے، قتل عام پر عالمی عدالت سے رجوع کیا جا سکتا ہے پاک فوج ہر قسم کی بھارتی جارحیت کا جواب دینے کے لیے تیار ہے.انہوں نے کہا کہ مقبوضہ وادی میں قتل

عام پر عالمی عدالت سے رجوع کیا جا سکتا ہے، برطانوی وفد کی موجودگی میں برطانیہ سے مطالبہ ہے کہ برطانوی وزیر اعظم کی جانب سے مسئلہ کشمیر پر بیان آنا چاہیئے.سردار مسعود خان نے کہا کہ برطانوی وزیر اعظم اپنی خاموشی کو الفاظوں میں بدلیں، برطانیہ کو چاہیئے اس معاملے پر آواز اٹھائے ہمارا ساتھ دے.

خیال رہے کہ گزشتہ روز وزیر اعظم عمران خان نے مسئلہ کشمیر پر قوم سے خطاب کرتے ہوئے کہا تھا کہ ہم مذاکرات کی بات کرتے ہیں، بھارت کوئی اور بات شروع کر دیتا ہے، اگر آج ہمارے ساتھ کوئی نہیں کھڑا، تو مایوس ہونے کی ضرورت نہیں.وزیر اعظم نے کہا تھا کہ پاکستان کشمیر کے لیے ہر حد اور ہر سطح تک

جائے گا اقوام متحدہ محسوس کرے، مسئلہ ایٹمی جنگ کی طرف چلاگیا تو جیت کسی کی نہیں ہوگی، ایٹمی جنگ کے اثرات پوری دنیا پر پڑیں گے. انہوں نے مزید کہا تھا کہ حکومت میں آنے کے بعد پہلی کوشش ملک میں امن کا قیام تھا، پاکستان اور بھارت کے مسائل مشترکہ ہیں، ہماری کوشش تھی سب کے ساتھ اچھے اور دوستانہ تعلقات ہوں.